حوار : إيمان محمود
نجم جديد يسطع فى سماء الفن ،هكذا و صفه مشاهدو مسلسل "ماتخافوش" للنجم نور الشريف،انه الممثل الشاب "احمد العوضى" الذى اطل لاول مره على شاشه التليفزيون من خلال مسلسل "ماتخافوش" و الذى يلعب فيه دور "طارق" ابن اخت "مكرم بدوى" نور الشريف، و هو شاب مجتهد ، يفتتح مشروعا لصيانه الكمبيوتر بمشاركه اصدقائه و يمر بعده تجارب عاطفيه خلال احداث المسلسل..
اما عن" احمد العوضى" فهو خريج كليه التجاره جامعه حلوان شعبه تجاره خارجيه عام 2006 ، و كان له اكثر من تجربه على مسرح الجامعه،و بعد التخرج عمل لفتره عارض ازياء الى ان اختير للقيام بدور "طارق" فى مسلسل "متخافوش"..
كلمنا عن تجربتك مع مسلسل "متخافوش"؟؟
مسلسل " متخافوش" اهم تجربة فى حياتى واجمل ايام عمرى عشتها فى كواليس المسلسل ،و من زمان كان حلمى انى امثل مع العملاق نور الشريف بس كان مجرد حلم ،و بعدين عرفت ان استاذ نور بيعمل كاستنج رحت و الحمدلله شافنى استاذ نور و استاذ يوسف شرف الدين و اختارونى لدور طارق ،وفوجئت انى بعمل دور البطل التانى بعد الاستاذ نور الشريف ..
الفنان نور الشريف عودنا على تبنيه للوجوه الشابه خلال اعماله. فماذا عن نور الشريف بعيدا عن الشاشة؟
استاذ نور بعيدا عن الشاشه رجل متواضع جدا الى اقصى درجه،قمه فى الديمقراطيه، مثقف الى ابعد الحدود و كنت قريب منه جدا و كان بيعاملنى معامله اب لابنه و استفدت منه كتير فى كل المجالات لانه زى ما قلت ليس مثقف فنيا فقط و لكن فنيا و سياسيا و اقتصاديا و كافه المجالات،و عمل معايا بروفات ترابيزه و فهمنى الشخصيه و ابعادها النفسيه،و كنت بساله فى اى حاجه و ساعدنى كتير ، و كمان استاذ يوسف ساعدنى كتير بتوجيهاته فى اللوكيشن..
هل تعتقد ان البدايه فى مسلسل تليفزيونى افضل ام كنت تحلم ان تكون بدايتك من خلال فيلم سينمائى؟
البداية طالما بداية قوية مش هتفرق كانت مسلسل او فيلم ومظنش ان عمرى كنت هتمنى بدايه اقوى من انى اكون بطل مسلسل للنجم الاول فى مصر نور الشريف وده فضل من ربنا..
شخصيه طارق اللى بتلعبها فى المسلسل ناس كتير اختلفت و ناس اتفقت معاك فى موقفك من فيروز"مى نور الشريف"... موقف احمد العوضى ايه من الموضوع ده؟
موقف طارق هو موقف الشخصية ولكل شخص تفكيرة فيه ناس شافت انه عنده حق وفى ناس شافت ان موقفه مش كويس كل واحد بيشوف من وجهة نظره ..
هل كنت تتوقع هذا النجاح لاول دور ليك؟
طبعا مكنتش متوقع النجاح لاول عمل لييا يكون كده بس اولا واخيرا بقول الحمد لله على النجاح ونجاحى ده بكل الناس اللى ساعدتنى ووقفت جنبى استاذ نور واستاذ يوسف وكل فريق العمل اللى شجعونى ووقفوا جنبى وطبعا والدى اللى وقف جنبى كتير لحد ما الحمد لله حصل النجاح ده والحمد لله رب العالمين ..
ما هى من وجهه نظرك عوامل النجاح لاى ممثل؟
عوامل النجاح لاى ممثل الموهبه و الذكاء و القبول لدى الجمهور..
ماذا بعد مسلسل "متخافوش"؟
بعد مسلسل"متخافوش" هستنى الافضل وهختاره لانى اتمنى ان اللى الجاى يكون اقوى او على نفس مستوى"متخافوش"..
ما هو نوع الادوار التى تحب ان تؤديها فى اعمالك القادمة؟
انا بحب اعمل اى دور لان الممثل الكويس يلعب اى دور..
بعد نور الشريف..احمد العوضى يتمنى يمثل امام مين من الفنانين الكبار؟
اتمنى امثل امام يحيى الفخرانى ويسرا...
بمناسبه شعار "متخافوش" احمد بيخاف من ايه؟
بخاف من الحسد و الحقد.
1 comment:
انابحبك اوي
Post a Comment